بسم الله الرحمن الرحيم
هاتقول انا قبلت..؟؟
ماشاء الله تبارك الله لمة حلوة قوى ...كتب كتاب
العريس ماشاء الله منور...عريس بقى....
نجم الليلة....
الماذون بيقول لوكيل العروسة....والوكيل بيقول وراه...
جينا عند نهاية القول ...العبارة اللى هيقولهاالعريس وينتهى العقد الكتابى ويبدا العقد الزوجى الحياتى...
قول يا عريس..وانا قبلت زواجها لنفسى وبنفسي....
العريس...وانا قبل....
استنى...
نتكلم عامية احسن ...مش عاوز انت كلام مكلكع صح..طيب
عريس...منور يا قمر ...باقول لك..انت عارف انك مجرد ما دخلت بيت الناس اللى انت واخد بنتهم بقيت شايل امانة كبيرة قوى...مسئول مسئولية كبيرة....
لما تقول انا قبلت عارف ان فيه بنت ناس بقت امانة فى
رقبتك.....
هتتسال عنها يوم القيامة...عارف ده ولا لا...؟؟؟
فاهم السكن اللى ربنا سبحانه جل وعلا ذكره فى كتابه الكريم
زوجتك هتلاقى عندك المودة والرحمة اللى انت عاوز تلاقيهم عندها ومعاها...
هتاذى زوجتك فى يوم من الايام...اقول لك...بلاش تعتبرها زوجتك
اختك...مش هتاذى اختك..وماترضاش حد ياذيها طبعا ....
بنتك...اعتبرها بنتك....مش هتاذى بنتك....وما ترضاش حد ياذيها...
عاملها كده....
عاملها بما يرضى الله ورسوله...ماتزعلش منها لما تغلط وخصوصا لو كانت غير متعمدة....
غصب عنها..عدى ما تقفش يا اخى على الهايفة زى ما بيقولوا...
اخترتها صح..؟؟
يا سوء حظك وشقائك فى الدنيا يا من حرمك الله نعمة الزوجة الصالحة..
يعنى بريت ابنائك اللى ربنا بامر الله هيرزقكم بيهم وانت بتختارها...؟؟
ماهو من بر الابناء حسن اختيار الام....
اخترتها علشان لبسها المحترم الواسع ولا الجينز اللى مالوش حل ..
اخترتها علشان جمال اخلاقها وادبها ووشها اللى ما بيترفعش من الارض
ولا علشان الوان البلياتشو اللى ماشية بيها تقول اعلان دهانات....
اخترتها علشان لما رحت تسال عنها فى الشغل لقيت راجل وسط رجالة ولا
كتكوتة واقفة تتدلع والبارفان مالى المكان والضحك ووالله اديكى على وشك يا جبانة....
اخترتها علشان عارف انك هتنزل من بيتك مطمن انك سايب راجل ولا ياعالم ايه اللى هيحصل لما تنزل ....
اخترتها علشان هتحفظ عيالك القران ولا هترقصهم على بابا فين.؟؟
بمناسبة بابا فين...البيت اللى انت دخلته الكلمة فيه كلمة ماما ..طيب بابا فين....ابعد بسرعة علشان تعيش صح ...وسيبهم هما
يدوروا على بابا اللى منور البيت ..نجفة هو اساسا.....
.....
اخترتها علشان تصونها ولا تبهدلها...؟؟
اخترتها علشان تتقى الله فيها وتخاف ترفع ايديها لما تظلمها وتقول حسبي الله ونعم الوكيل...
اوعى تظلمها...اوعى....الظلم ظلمات يوم القيامة.....
ربنا حرمه جل وعلا على نفسه ...هتحلله انت لنفسك...
حتى لو هى وحشة وفيها عبر الدنيا ...طلقها يا اخى ...تسريح باحسان يا راجل يا طيب...
ولما تسرحها اديها حقوقها ....ما تبقاش طماع وتاخد حاجة بنت الناس وتمنعها حقوقها ...
وما تقولش اصل هى اللى طلبت الطلاق كل واحد ياخد اللى جابه....
ما ينفعش...عيب يا راجل ...ولاانت راجل بالاسم بس
ربك تبارك وتعالى قال وكيف تأخذونه وقد أفضى بعضكم إلى بعض وأخذن منكم ميثاقا غليظا ..يالطيف يارب
هاقول لك كمان على حاجة...لما تطلق مراتك لا قدر الله اوعى تغلط فيها ...قول انهااحسن الناس ...اوعى تذكرها بشيء غلط حتى لو فيها...الرجالة بيعملوا كده....
طيب ماهى ممكن تقول عليه وتحكى...ياسيدى ماتحكى...لما يكون ليك احسن ما يكون عليك...
ركز فى الامانة اللى فى رقبتك قبل ما تقولها ياعريس...
ها...قدها ولا لا.؟؟
ما تطلبش منها حاجة فوق طاقتها...رفقا بالقوارير
مش عيب انك تساعدها لما تشوفها تعبانة...الواجب اساسا انها ما تعملش اى حاجة اذا هى تعبانة...اوعى تكون فاكر انك لما تساعدها بتقلل من قيمة نفسك...بالعكس..انت عمرك ما هتكون افضل من سيدنا الحبيبب النبى...
كان فى مهنة اهله عليه الصلاة والسلام وعلى اهله اجمعين...
فكر تسعدهاازاى وتدخلوا سوا الجنة...
ما تدخلش حد بينكم..اقعدوا سوا واتكلموا ...لقيتها غضبانة قوللها مالك ..؟؟
ايه اللى مضايقك..؟؟والله ماانتى قايمة زعلانة ابدا ..
قوللها قومى نخرج وعدى خد هدية وفجاة تلاقى نفسها عند بيتهم مثلا تزوروا اهلها اللى هما اهلك برده بدون ما تعرفها انكم هتروحوا هناك..مفاجاة حلوة
والله هو ده اللى بامر الله يخلى المودة والرحمة هم اعمدةالبيت...
الجواز مش تحدى مين احسن من التانى واسمع كلامه وما اسمعش ...مش حرب هى بين الزوجين...
انتوا ربنا خلقكم من نفس واحدة ...يعنى انت وهى واحد يا راجل يا طيب
الكلمة بينكم ممكن تعكر بحر ..وممكن تطفى نار..خلى بالك ...اوعى تهينها ولا تجرحها بكلمة ...الكلمة رصاصة .طلعت ما ترجعش...
اوعى تخرجها من بيتك مهما زعلت منها ...الا ان تاتى يفاحشة مبينة هنا اختلف الامر...انما زعل لا ..طرد بره البيت لا ...
ازعل منها فى بيتها .تفضل فى بيتها معززة مكرمة ..اهجرها ماشى ...تجاهلها ماشى ...لكن الكلمة الخايبة وتقول لها على بيت ابوها بلاش منها الله يكرمك...
لو ابوها سال ايه الاخبار لو هى مزعلاك قول ..ماشاء الله يا راجل يا طيب خلفت وربيت تربية زى الفل ...هو ده الصح وشوف النتيجة ..مش تقول له بنتك عملت وعملت ..لا غلط
لاحظ انها مالهاش غيرك يا راجل يا طيب بعد الله جل وعلا ...
كنت قاعد مع راجل له 4 بنات ..خايف قوى من جوازهم..ليه ..قال لى يا ابنى مالهمش الا ربنا واجوازهم...لا عمها هيجرى عليها لو جوزها زعلها ولا خالها ولو جروا مرة مش هيجروا التانية...لا ليهم اخ ولا راجل ..
ايه رايك....؟؟؟
مش عاوزين ابو البنات يخاف عليهم...
عاوزينه يطمن ..
عاوزينه يعرف ان لسه فيه رجالة بتخاف ربنا فى بنات الناس ...ها ...ايه رايك...؟؟
هاتقول انا قبلت..؟؟
معلش طولت عليكم انا
بس ده عشان لو حد بيفكر يقول انا قبلت ......
هاتقول انا قبلت..؟؟
ماشاء الله تبارك الله لمة حلوة قوى ...كتب كتاب
العريس ماشاء الله منور...عريس بقى....
نجم الليلة....
الماذون بيقول لوكيل العروسة....والوكيل بيقول وراه...
جينا عند نهاية القول ...العبارة اللى هيقولهاالعريس وينتهى العقد الكتابى ويبدا العقد الزوجى الحياتى...
قول يا عريس..وانا قبلت زواجها لنفسى وبنفسي....
العريس...وانا قبل....
استنى...
نتكلم عامية احسن ...مش عاوز انت كلام مكلكع صح..طيب
عريس...منور يا قمر ...باقول لك..انت عارف انك مجرد ما دخلت بيت الناس اللى انت واخد بنتهم بقيت شايل امانة كبيرة قوى...مسئول مسئولية كبيرة....
لما تقول انا قبلت عارف ان فيه بنت ناس بقت امانة فى
رقبتك.....
هتتسال عنها يوم القيامة...عارف ده ولا لا...؟؟؟
فاهم السكن اللى ربنا سبحانه جل وعلا ذكره فى كتابه الكريم
زوجتك هتلاقى عندك المودة والرحمة اللى انت عاوز تلاقيهم عندها ومعاها...
هتاذى زوجتك فى يوم من الايام...اقول لك...بلاش تعتبرها زوجتك
اختك...مش هتاذى اختك..وماترضاش حد ياذيها طبعا ....
بنتك...اعتبرها بنتك....مش هتاذى بنتك....وما ترضاش حد ياذيها...
عاملها كده....
عاملها بما يرضى الله ورسوله...ماتزعلش منها لما تغلط وخصوصا لو كانت غير متعمدة....
غصب عنها..عدى ما تقفش يا اخى على الهايفة زى ما بيقولوا...
اخترتها صح..؟؟
يا سوء حظك وشقائك فى الدنيا يا من حرمك الله نعمة الزوجة الصالحة..
يعنى بريت ابنائك اللى ربنا بامر الله هيرزقكم بيهم وانت بتختارها...؟؟
ماهو من بر الابناء حسن اختيار الام....
اخترتها علشان لبسها المحترم الواسع ولا الجينز اللى مالوش حل ..
اخترتها علشان جمال اخلاقها وادبها ووشها اللى ما بيترفعش من الارض
ولا علشان الوان البلياتشو اللى ماشية بيها تقول اعلان دهانات....
اخترتها علشان لما رحت تسال عنها فى الشغل لقيت راجل وسط رجالة ولا
كتكوتة واقفة تتدلع والبارفان مالى المكان والضحك ووالله اديكى على وشك يا جبانة....
اخترتها علشان عارف انك هتنزل من بيتك مطمن انك سايب راجل ولا ياعالم ايه اللى هيحصل لما تنزل ....
اخترتها علشان هتحفظ عيالك القران ولا هترقصهم على بابا فين.؟؟
بمناسبة بابا فين...البيت اللى انت دخلته الكلمة فيه كلمة ماما ..طيب بابا فين....ابعد بسرعة علشان تعيش صح ...وسيبهم هما
يدوروا على بابا اللى منور البيت ..نجفة هو اساسا.....
.....
اخترتها علشان تصونها ولا تبهدلها...؟؟
اخترتها علشان تتقى الله فيها وتخاف ترفع ايديها لما تظلمها وتقول حسبي الله ونعم الوكيل...
اوعى تظلمها...اوعى....الظلم ظلمات يوم القيامة.....
ربنا حرمه جل وعلا على نفسه ...هتحلله انت لنفسك...
حتى لو هى وحشة وفيها عبر الدنيا ...طلقها يا اخى ...تسريح باحسان يا راجل يا طيب...
ولما تسرحها اديها حقوقها ....ما تبقاش طماع وتاخد حاجة بنت الناس وتمنعها حقوقها ...
وما تقولش اصل هى اللى طلبت الطلاق كل واحد ياخد اللى جابه....
ما ينفعش...عيب يا راجل ...ولاانت راجل بالاسم بس
ربك تبارك وتعالى قال وكيف تأخذونه وقد أفضى بعضكم إلى بعض وأخذن منكم ميثاقا غليظا ..يالطيف يارب
هاقول لك كمان على حاجة...لما تطلق مراتك لا قدر الله اوعى تغلط فيها ...قول انهااحسن الناس ...اوعى تذكرها بشيء غلط حتى لو فيها...الرجالة بيعملوا كده....
طيب ماهى ممكن تقول عليه وتحكى...ياسيدى ماتحكى...لما يكون ليك احسن ما يكون عليك...
ركز فى الامانة اللى فى رقبتك قبل ما تقولها ياعريس...
ها...قدها ولا لا.؟؟
ما تطلبش منها حاجة فوق طاقتها...رفقا بالقوارير
مش عيب انك تساعدها لما تشوفها تعبانة...الواجب اساسا انها ما تعملش اى حاجة اذا هى تعبانة...اوعى تكون فاكر انك لما تساعدها بتقلل من قيمة نفسك...بالعكس..انت عمرك ما هتكون افضل من سيدنا الحبيبب النبى...
كان فى مهنة اهله عليه الصلاة والسلام وعلى اهله اجمعين...
فكر تسعدهاازاى وتدخلوا سوا الجنة...
ما تدخلش حد بينكم..اقعدوا سوا واتكلموا ...لقيتها غضبانة قوللها مالك ..؟؟
ايه اللى مضايقك..؟؟والله ماانتى قايمة زعلانة ابدا ..
قوللها قومى نخرج وعدى خد هدية وفجاة تلاقى نفسها عند بيتهم مثلا تزوروا اهلها اللى هما اهلك برده بدون ما تعرفها انكم هتروحوا هناك..مفاجاة حلوة
والله هو ده اللى بامر الله يخلى المودة والرحمة هم اعمدةالبيت...
الجواز مش تحدى مين احسن من التانى واسمع كلامه وما اسمعش ...مش حرب هى بين الزوجين...
انتوا ربنا خلقكم من نفس واحدة ...يعنى انت وهى واحد يا راجل يا طيب
الكلمة بينكم ممكن تعكر بحر ..وممكن تطفى نار..خلى بالك ...اوعى تهينها ولا تجرحها بكلمة ...الكلمة رصاصة .طلعت ما ترجعش...
اوعى تخرجها من بيتك مهما زعلت منها ...الا ان تاتى يفاحشة مبينة هنا اختلف الامر...انما زعل لا ..طرد بره البيت لا ...
ازعل منها فى بيتها .تفضل فى بيتها معززة مكرمة ..اهجرها ماشى ...تجاهلها ماشى ...لكن الكلمة الخايبة وتقول لها على بيت ابوها بلاش منها الله يكرمك...
لو ابوها سال ايه الاخبار لو هى مزعلاك قول ..ماشاء الله يا راجل يا طيب خلفت وربيت تربية زى الفل ...هو ده الصح وشوف النتيجة ..مش تقول له بنتك عملت وعملت ..لا غلط
لاحظ انها مالهاش غيرك يا راجل يا طيب بعد الله جل وعلا ...
كنت قاعد مع راجل له 4 بنات ..خايف قوى من جوازهم..ليه ..قال لى يا ابنى مالهمش الا ربنا واجوازهم...لا عمها هيجرى عليها لو جوزها زعلها ولا خالها ولو جروا مرة مش هيجروا التانية...لا ليهم اخ ولا راجل ..
ايه رايك....؟؟؟
مش عاوزين ابو البنات يخاف عليهم...
عاوزينه يطمن ..
عاوزينه يعرف ان لسه فيه رجالة بتخاف ربنا فى بنات الناس ...ها ...ايه رايك...؟؟
هاتقول انا قبلت..؟؟
معلش طولت عليكم انا
بس ده عشان لو حد بيفكر يقول انا قبلت ......
- المرفقات
30601_390297055765_320690335765_4551081_7033497_n.jpg
- (32 Ko) عدد مرات التنزيل 70
